موال و ابوذیّات صبر الصابرات
کل شی ابحیاتی سهل بس الفقر جار الی
قلبی انفطر و انقهر طوره ابامل جار الی
الظالمنی قاسی علی جیشه ابطمع جار الی
میشوم مذموم یتعفرت هجم ما یرد
امدجج کلامه رمی اشما ادحره یغث مایرد
الیایوم عینی تدر غیر الدمع مایرد
الحایشلی کل الالم یهلی او صبح جار الی
...
اسد بهموم قلبی او یخر والمای
الوم او من سمعنی زاد ولمای
انحرمت امن الحیاة ابکرم ولمای
الهوا او متلوّث او اهلی اباذیّه
...
الوطن یزهی ابعزم اهله جماله
علیه تحرص علیه تنطر جماله
ابزرعنه الودنه ما تیّه جماله
ولا ما یسمع اهات البریّه
...
یا ساکن البید عزمک قوّتک من هلک
ازرع او طهر الارض وسّع مایه الک منهلک
عاشر إسود العرب و احصد ثمرتک منهه لک
لا تنظر الغیر عاجز بالغرس بل وفر
یتلافت ابیوم شدّات الزلم بل وفر
بعذاره جنحان صوّر له او طفر بل وفر
و ابصید الاحبار الطایر صیدته من هلک
...
اهمومی سیّرن هاجرن یفلن
ابمسار الهمّه بالصعبات یفلن
اعرفک وفی بالشدّات یفلن
شهم قادر قوی صاحب ثنیّه
...
حشر مو بشر بالشر عان منهان
اگلّه الدرب هان ایگول منهان
انا الیا یوم اصیح افلان منهان
السمعنی بلس اذنه ابثوب حیّه
...
یا من غرامک حرق قلبی او سلب منظره
اوّل حبیب اعرفک و اوّل عدو منظره
یل عشت عمری ابکتر حبّک و الی منظره
اخر مصیره اعتده عاف الربه شوفته
امن ابعید احس جیّته عقلی صدق شوفته
طافت علی عشرته عنّت علی شوفته
مثل الحمامه او یقر طالع بدر منظره
...
کبر شجرة حبیبی ابکدر یربا
شفلّح و ابشفاء البردان یربا
لزج ما یفرق امن الهاک یربا
تبلعه ایصیر نار الشم بلیّه
...
یا من جمالک رطب حالی وکت موسمه
و اسمک حیاة او ممر للزاهد فخر موسمه
انت ابارض و اببحر نجمک سطع موسمه
احسب ایّام المضت و انطر وصالک وعد
ما اخون اظل بس الک هذا کلامی وعد
بالسفر داعیک و اتمنّی ابوصالک وعد
خدّک کتلنی ابلهب موثکنة جمر مو سمه
...
اتوضّی ابزودی بالشدّات وصلن
اسهام الذل لعند احشای وصلن
وین الوذن یوم الغزن وصلن
القصر کل طاغی راونّه المنیّه
...
جاسم ثعلبی الحسّانی 24/06/1400
:: برچسب‌ها:
موال و ابوذیّات صبر الصابرات ,
:: بازدید از این مطلب : 1509
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
